Lai Baibal Caholh cu Baibal, Biaknak, le vawlei fimnak phunphun kan Lai holh tein cawn le ichimh khawhnak ah kan dirh. 

Lai miphun le nunphung nunter nakah fimnak le thiamnak icheuh kan herh. Kan pupa hna cu fing le tlang nih a rak dan hna caah an ifun tom kho lo. Kan chan Laimi cu rili pipi nih a kan ṭhen. Cucaah, ifuntom ding ah le kan nunphung nunter ding ah kan pupa nakin zaanghlei cawi kan hau. Annih nih an rak ngeih lomi; kannih nih kan ngeih. Cucu, Internet a si. Online kan itong kho, kan ihawikom kho, i zungthiamnak kan ichom kho. Hi online hi ṭhentu rili pi nih a tei khawh lomi hlei pipa a si. Cucaah, Lai Baibal Caholh cu online  ca cawnnak le zungthiamnak ichimh nakah kan tuah. 

Lai holh in Lami sinah Baibal lei le vawei lei fimnak le thiamnak karh ding kan hmuichawn a si. Lai holh in cauk kan chuah tikah khuaza vantoi um Laimi sinah kuat a har. Online dawr le eBook chuahnak Lai company um sehlaw a ṭha tuk hnga tiah saduh ka that.  Lai Baibal Caholh cu ka saduhthah tlinnak si.

Ca le thiamnak a cawng duh nan si ah, a chimh a duh mi nan si ah, lungtho tein kan idon hna. A cawng duhmi nih zalong tein mah siarem ning in cawm khawhnak hmu si hram seh. Ca le thiamnak chimh a duh mi nih dawnkhantu um loin zalong tein chim khawhnak hmun si hram seh!