Biakam Thar Dothlatnak
- Description
- Curriculum
- FAQ
- Reviews
Zoom Live in cawn ding a si.
Kum zabu pakhat hnihnak vawlei chanbia, nunphung, ruahnak, le biaknak tibantuk Biakam Thar le a thawngṭha fiangtein hmuh khawhnak ah meifar bantuk a si mi a hnu lei thil umtu ning kong zohnak in kan thawk lai. Cun, Biakam Thar chungtel cauk pawl, an chanbia, an tlungtlang, an theology, le an chungum bia pical deuh pawl kan cawng lai. Zeicah dah Matthai in aa thawk? Ahod nih dah a ṭial? Zei tik lio ah? Zei ruangah? Nihin kan ca ah zei tin dah san an tlaih? Biakam Thar kong hngalh duhah dothlatnak a si.
Iang A Ngeih Khunnak
- Phungchimnak ah an chim tawn lomi Biakam Thar vawlei kong le a chungtel cauk hna chanbia hngalhnak naa chap lai
- Biakam Thar cauk pakhat cio i an iang le a papek mi pawl fiangtein na hngalh hna lai.
- Biakam Thar, a huahnak in Baibal, rel le kherhlai ning na thiam deuh lai.
- “Zeicahdah Thawngṭha Cauk Pali li a um?” Zeicahdah Matthai in Biakam Thar aa thawk? Tibantuk chim tawn lomi Baibal ca sining na cawn hna lai.
- Paul nih a ṭial hmasa mi cauk pawl le a ṭial hmanung mi cauk pawl na hngalh lai i a theology and a ruahnak a ṭhang maw, aa thleng maw, ti khingthlainak na ngei kho lai.
- A ruah awkah na hngalh theng lomi, “Zeicahdah 2 Peter le Judas an ilawh tuk?” ti bantuk an ruahter lai.
Ho ca ah dah Biakam Thar Dothlatnak course cu kan timh?
- Hlawh tling deuh le ruahnak ka thaw deuh in Biakam Thar rel le kherhlai a zuam poah caah a si.
- Catang le cawnnak ngeih hmasa a hau lo. Pathian Bia thuh deuh in hlanh le hngalh duh bel a herh tuk.
- Biakam Thar a tungtlang pi, an papek mi biatlang pawl, le a ruahnak tilam hngalh a duh mi poah cawn khawh a si.
- Dothlat cu Mirang in “Survey” an ti. Innsak lai ah inn hmun an zoh i zei bantuk inn phungsan le dawt zeizat dah sak khawh a si lai ti an dothlat khi a si. Biakam Thar Dothlatnak zong cu bantuk cu a si. Biakam Thar relnak le lungfiannak ah a biapi ngei mi course a si.
Jesuh le A Vawlei
Thawngṭha Cauk: Gospels
Chanbia: History
Paul Cakuat: Pauline Epistles
Zapi Cakuat: General Epistles
Biaphuan: Prophecy
Tlangkawmnak
Hodah a cawng kho?
Biakam Thar vawlei le a chungtel cauk pawl an tuanbia, an chungum bia, an theology, le an biacah pawl hngalh a duh mi poah cawn khawh a si.
Textbook a um maw?
Textbook kan ngei rih lo. Nain, cawnpah in lecture notes cu pek lengmang a si lai. Khua caan ah free download tete zong an um lai.
Catlang ngeih le cawnnak ngeih hmasa a hau maw?
A hau lo. Cawnduhnak thinlung le Biakam Thar rel duhnak thin lung a hau.
Dollar 200 reru cu a man a fak tuk lo maw?
A fak lo. Suimilam 32 leng live in cawn ding a si. Suimilam pakhat $6 fai a si; Coffee hrai khat man hrawng lawng a si.
Class pakhat ah minung pakhat in cawn kawh a si lai maw?
Class pakhat ah minung pakhat in cawn duh ahcun thla khat ah $100 a si lai. Zarh khat ah suimilam pahnih (2hrs/week) kan cawng lai. Course pakhat cu thla thum ah kan lim lai.
Class pakhat ah phunghman in minung pa zeizat dah an um?
Class pakhat ah minung 5+ si ah a ṭha.
Group in cawn awkah a course ning in cawk khawh a si maw?
A si. Oi khat cawk ah $1500 a si lai. Group member cu nan duh zah poah nan sawm khawh hna. Zoom Live in kan chimh hna lai. Free download vialte nan down load lai.
Kawl ram in tah cawn khawh a si lai maw?
A si ko. Online in ca cawn khawhnak hmun poah in cawn khawh a si.
Course pakhat ah $200 cu Kawl ram um caah a man a fak ngai. An caah ruah piaknak a um maw?
Kawlram in kai a duh nain cawnman pek aa harh mi ca ah kan ruah mi le timh mi a um ko. A tang email ah cawn ka zuam mi nih ca ka kua te uh.
Email: info@laibaibal.com
Email: info@laibaibal.com
Please, login to leave a review
